මව් සෙනෙහස ඔබේ
හද පතුලේ රන්දා..
දුකකදි දෙනෙත් සඟවා
කඳුළැලි බින්දා..
අමතක නොවේ හිදිනෙමි ඔබ
සිත් රන්දා..
සෙනෙහස් සයුර අක්කේ
ඔබ වූ හින්දා..
~මුදී~
තනිවී හඬනා පුංචි බිළිදු හට
සෙනෙහස ඔබ තුරුලේ..
මව් ගණයෙන් මුළු සිතම පිරී ඇත
ඒ දුක හඳුනන සේ..
දරු සෙනෙහසකට භේදය නොසිතුව
ඔබගේ හද මඬලේ..
කරුණා ගුණයෙන් පිරිපුන් උතුම්ම
හදවත ඔබ සතු වේ..
~මුදී~
සොයුරියන්ගෙ වැඩපල කර
අහවර වී මම එන්නම්..
නපුරු කුඩම්මාට හොරෙන්
රැලි ගවුමින් සැරසෙන්නම්..
සුරඟන මව මවා දුන්න
රථයෙ නැගී මම එන්නම්..
කුමාරයනි ඔබ අතගෙන
නැටුමට මා අද එන්නම්..
~මුදී~
ගලා ගිය ගං වතුර
පුංචි සිත රිදෙව්වද..
වතුර බේරෙයි ගතේ
සීතලෙන් වෙව්ලුවද..
හම්බවුණ කිරි කහට
කුස ටිකක් පිරෙව්වද..
ගෙනාවෙමි බත් කටක්
දෝණි නුඹ ඉන්නවද..
~මුදී~
පහන් කූඩුවේ
මුදු මොලොක් ආලෝකය
හාත්පසෙහිම විහිදා..
ඔකුසාවා නවාතැන
මනස ඉදිරියේ මැවුනා..
නොරිකො සං
ඔබ......
සෙවනැලි අතරින්
නොපෙනී ගියා..........
~මුදී~
